|
|
|
|
ស្ថានីយទូរទស្សន៍ TOWN និងដៃគូឧបត្ថម្ភ Powaram ម្សិលមិញនេះបានប្រកាសបង្កើតកម្មវិធីប្រកួតថ្មីរៀងរាល់ថ្ងៃពុធ ដើម្បីបំពេញបំណងអ្នកស្រឡាញ់គាំទ្រគុនខ្មែរដែលទទូចចង់ឲ្យមាននាពេលកន្លងមក។
លោក ហាក់ សុខហេង តំណាងទូរទស្សន៍ TOWN បានឲ្យដឹងថា ការប្រកួតនៅសង្វៀនរបស់លោកគឺមានស្ទើរតែមួយសប្ដាហ៍ពេញទៅហើយ ដោយឡែកនៅចន្លោះពាក់កណ្ដាលសប្ដាហ៍បន្តិច។ កន្លងទៅមានអ្នកគាំទ្រប្រដាល់គុនខ្មែរតែងតែផ្ញើសារក៏ដូចជា Comment សុំឲ្យបង្កើតកម្មវិធីប្រកួតនៅពាក់កណ្ដាលសប្ដាហ៍បន្ថែមទៀតដើម្បីបានទស្សនាកម្សាន្ត និងកែអផ្សុកជាដើម។
ថ្នាក់ដឹកនាំមួយរូបរបស់ TOWN ខាងលើនេះបន្ថែមទៀតថា ឥលូវនេះស្ថានីយបានចាប់ដៃគូជាមួយភេសជ្ជៈ Powaram រៀបចំឲ្យមានការប្រកួតរៀងរាល់ថ្ងៃពុធបំពេញបំណងជូនមហាជនអ្នកគាំទ្រហើយចាប់ពីពេលនេះតទៅ។ លោកសំណូមពរដល់អ្នកចូលចិត្តវិស័យប្រដាល់ពិសេសអ្នកគាំទ្រសង្វៀន TOWN សូមចូលមកទស្សនាកម្សាន្តសប្បាយឲ្យបានច្រើនកុះករ និងជាការលើកស្ទួយគុនខ្មែរផងដែរ។
អ្នករៀបចំខាងលើនេះថ្លែងអំណរគុណជាខ្លាំងចំពោះភេសជ្ជៈ Powaram ដែលជឿទុកចិត្តសហការជាមួយទូរទស្សន៍ TOWN រៀបចំឲ្យមានជាការប្រកួតកម្មវិធី Powaram Kun khmer នេះឡើយ។ អរគុណចំពោះការបំពេញបំណងអ្នកគាំទ្រគុនខ្មែរនៅពេលនេះ។
បញ្ជាក់ដែរថា កម្មវិធីប្រដាល់ថ្មីរបស់សង្វៀន TOWN នេះប្រកួតរៀងរាល់ថ្ងៃពុធ ចាប់ពីម៉ោង 7យប់តទៅ។ បើកឆាកសប្ដាហ៍ដំបូងនៅថ្ងៃពុធ ទី4 ខែកញ្ញា ឆ្នាំ2024 នេះយប់នេះគឺមានគូពិសេសៗជាច្រើនដូចជា ធឿន ធារ៉ា ឃីម ឌីម៉ា ប៉ះចិន អេ អាំម៉ារីនភូថង ប៉ះ ហ្វីលីពីន ឡុង ពិសិដ្ឋ រស្មី គុនខ្មែរ ប៉ះ ឡាវ។
Tottenham កំពុងស្វែងរកលទ្ធភាពក្នុងការចុះហត្ថលេខាលើកីឡាករ Jadon Sancho ជាអ្នកជំនួសតំណែងប្រធានក្រុម Son Heung-Min ដែលទើបតែចាកចេញពីក្លឹបថ្មីៗនេះ។...
Dani Ceballos នឹងបន្តនៅ Real Madrid បន្ទាប់ពីខ្សែបម្រើរូបនេះបានសម្រេចចិត្តមិនបញ្ចប់ការស្នើសុំផ្ទេររបស់គាត់ទៅ Olympique de Marseille ។ កីឡាករ Andalusian ធ្លាប់បានពិភាក្សាជាមួយ Marseille ដែលត្រូវបានគេរំពឹងថានឹងនាំទៅរកការខ្ចីជើង និងការផ្ទេរជាអចិន្ត្រៃយ៍នៅឆ្នាំក្រោយ។...
Sevilla FC បានចុះហត្ថលេខាលើខ្សែការពារជើងចាស់ César Azpilicueta ក្នុងកិច្ចសន្យារយៈពេលមួយឆ្នាំ។...
កូនខ្មែរកើតនៅកាណាដារូបនេះ បានរៀបរាប់ថា 🗣 ជាលើកដំបូងក្នុងការកោះហៅចូលក្រុមជម្រើសជាតិ U23 កម្ពុជា ខ្ញុំពិតជាអរគុណសម្រាប់ឱកាសនេះ ហើយខ្ញុំនឹងប្រឹងប្រែងឱ្យអស់ពីសមត្ថភាព។ ខ្ញុំចង់អរគុណដល់អ្នកដែលបានដឹកនាំខ្ញុំមកដល់ផ្លូវនេះ ជាហេតុផលដែលខ្ញុំចាប់ផ្តើមជំហាននេះ វាគ្រាន់តែជាការចាប់ផ្តើម ។...
Fabrizio Romano រាយការណ៍ថា Manchester United និង Chelsea បានឈានដល់កិច្ចព្រមព្រៀងលើការផ្លាស់ប្តូររបស់ Alejandro Garnacho ទៅកាន់ Stamford Bridge ។...
សេវាអតិថិជន